ჯანდაცვის მინისტრის, ეკატერინე ტიკარაძის განცხადებით, აღდგომამდე დაახლოებით ერთი კვირით ადრე გადაწყვეტს ჯანდაცვის სამინისტრო, რა შეზღუდვებით შევხვდებით დღესასწაულს.

"დღეს ცოტა ადრე არის მსჯელობა იმასთან დაკავშირებით, თუ რა იქნება სააღდგომოდ. ამ ეტაპისთვის ჩვენი მხრიდან მიმდინარეობს აქტიური მუშაობა, თუმცა ინფექციის ზრდა ფიქსირდება. ალბათ, დაახლოებით ერთი კვირით ადრე აღდგომის პერიოდამდე, ჩვენ გვექნება მეტად უფრო ზუსტი ინფორმაცია იმასთან დაკავშირებით, თუ რა იქნება გეგმა დღესასწაულებთან მიმართებაში", — განაცხადა ეკატერინე ტიკარაძემ.

ტიკარაძემ, ასევე, განაცხადა, რომ ინფექციის გავრცელების ზრდის მიუხედავად, სამინისტრო ცდილობს შეზღუდვების გარეშე მართოს ვითარება.

1-ელ აპრილს, დაავადებათა კონტროლისა და საზოგადოებრივი ჯანდაცვის ეროვნული ცენტრის ხელმძღვანელმა, ამირან გამყრელიძემ განაცხადა, რომ თუ კლასტერები გამრავლდა, სააღდგომოდ შემზღუდავი ღონისძიების შემოტანა გახდება საჭირო.

გაიგეთ მეტი: