დაავადებათა კონტროლისა და საზოგადოებრივი ჯანდაცვის ეროვნული ცენტრის დირექტორის, ამირან გამყრელიძის თქმით, ვაქცინების მრავალფეროვნება ხელს შეუწყობს ვაქცინაციის პროცესის გაფართოებას.

"ვფიქრობ, რომ მრავალფეროვნება ვაქცინებისა ქვეყანაში, ხელს შეუწყობს ვაქცინაციის პროცესის კიდევ უფრო მეტად გაფართოებას, რადგან პანდემიის და ჩვენს ქვეყანაში ეპიდემიის დამარცხების გზა გადის მხოლოდ და მხოლოდ ვაქცინაციაზე", — განაცხადა ამირან გამყრელიძემ.

3 აპრილს საქართველოში 100 000 დოზა Sinopharm-ის ვაქცინა შემოვიდა. ვაქცინას უკვე აქვს უნგრეთის მარეგულირებლის ავტორიზაცია, რის საფუძველზეც შეისყიდა იგივე ქვეყანამ. დღეს ჯანდაცვის მინისტრმა, ეკატერინე ტიკარაძემ განაცხადა, რომ Sinopharm-ის ვაქცინის გამოყენება საქართველოში მხოლოდ მას შემდეგ დაიწყება, როცა მას ჯანდაცვის მსოფლიო ორგანიზაციის (ჯანმო) ავტორიზაცია ექნება. ტიკარაძის მოადგილის, თამარ გაბუნიას ინფორმაციით, Sinopharm-ი ჯანმოს ავტირიზაციას აპრილის ბოლომდე მიიღეს.

ამ დროისთვის, საქართველოში, სამედიცინო პერსონალისა და 55 წელს ზემოთ ასაკის მოქალაქეებისთვის AstraZeneca-სა და Pfizer-ის ვაქცინებია ხელმისაწვდომი. მათ შესაძლებლობა აქვთ თავად აირჩიონ სასურველი ვაქცინა.

გაიგეთ მეტი: