Bridgerton-ის მეორე სეზონის გადაღებები უკვე დაწყებულია, თუმცა ნეტფლიქსმა და შონდალენდმა სულ ცოტა ხნის წინ დაადასტურეს, რომ სერიალში საიმონ ბასეტის როლის შემსრულებელი, რეგე-ჟან პეიჯი აღარ დაბრუნდება.

ამბავი ტვიტერზე სერიალის პერსონაჟის, ლედი ვისლდაუნის სახელით გავრცელდა:

"ძვირფასო მკითხველო, სანამ თქვენი ყურადღება ვისკონტის ძიებაში მყოფ ლორდ ენტონი ბრიჯერტონისკენაა მიპყრობილი, გატყობინებთ, რომ რეგე-ჟან პეიჯი, რომელიც ჰასტინგსის ჰერცოგის როლს ტრიუმფალურად ასრულებდა, ვემშვიდობებით. მოგვენატრება საიმონი ეკრანებზე, მაგრამ ის სამუდამოდ ბრიჯერტონის ოჯახის წევრი იქნება".

სერიალის მეორე სეზონი ჯულია ქვინის ნაწარმოებების ციკლის მეორე წიგნის — ვისკონტი, რომელსაც ვუყვარდი მიხედვით იქნება და ენტონი ბრიჯერტონის სიყვარულის ძიებაზე მოგვიყვება.

Bridgerton-ში ახალ პერსონაჟსაც ვიხილავთ, რომელიც ენტონის შეუყვარდება. ახალი პერსონაჟის, ქეით შარმას როლს სიმონ ეშლი განასახიერებს. აღწერის მიხედვით შარმა "გონებამახვილი, ჭკვიანი ქალია, რომელიც სისულელეებს არად აგდებს, მათ შორის არც ენტონი ბრიჯერტონს".

შოუს მეორე სეზონი ჯერ კიდევ იანვარში დაანონსდა. გადაღებების დაწყება კი იმის მანიშნებელია, რომ ახალ სასიყვარულო თავგადასავალს მალე ვიხილავთ. სერიალის გამოსვლის თარიღი ჯერ-ჯერობით უცნობია.