საქსტატის ინფორმაციით, მარტში წლიურმა ინფლაციამ 7,2% შეადგინა — ეს ფასების რეკორდულად გაძვირებაა, რადგან თვის ჭრილში, ფასების მსგავსი მატება ბოლოს 2011 წლის აგვისტოში დაფიქსირდა.

ნახეთ 20 პროდუქტი და მომსახურება, რომელიც მარტში, გასული წლის შესაბამის თვესთან შედარებით, ყველაზე მეტად გაძვირდა:

  1. მზესუმზირის ზეთი — გაძვირდა 62,79%-ით;
  2. ოქროს ბეჭედი (ქორწინების) — გაძვირდა 40,39%-ით;
  3. წიწიბურა — გაძვირდა 36,39%-ით;
  4. ლურსმანი — გაძვირდა 36,2%-ით;
  5. თერმომეტრი — გაძვირდა 31,89%-ით;
  6. სტომატოლოგის მომსახურება (კბილის ამოღება) — გაძვირდა 31,84%-ით;
  7. მწვანე ლობიო — გაძვირდა 30,83%-ით;
  8. თევზის კონსერვი — გაძვირდა 30,6%-ით;
  9. შაქარი — გაძვირდა 30,12%-ით;
  10. ტკივილგამაყუჩებელი მედიკამენტები — გაძვირდა 29,21%-ით;
  11. საშინაო ფეხსაცმელი კაცის — გაძვირდა 28,29%-ით;
  12. სისხლძარღვთა გამაფართოებელი მედიკამენტები — გაძვირდა 26,55%-ით;
  13. ჭიქა — გაძვირდა 26,34%-ით;
  14. ავტომობილის სათადარიგო ნაწილები — გაძვირდა 24,19%-ით;
  15. ბოსტნეულის კონსერვი — გაძვირდა 24,01%-ით;
  16. მღებავის მომსახურება — გაძვირდა 23,12%-ით;
  17. ლობიო ხმელი — გაძვირდა 22,72%-ით;
  18. მარგარინი — გაძვირდა 22,56%-ით;
  19. საჭმლის მომნელებელი სისტემის პრეპარატები — გაძვირდა 22,49%-ით;
  20. ასანთი — გაძვირდა 22,10%-ით;

საქსტატის ინფორმაციით, მარტში, გასული წლის შესაბამის თვესთან შედარებით, ფასები კიდევ 229 სახეობის პროდუქტსა და მომსახურებაზე გაიზარდა.

რაც შეეხება ფასების კლებას, საქსტატის გათვლებით, მარტში ფასები ყველაზე მეტად შემცირდა შემდეგ პროდუქტებსა და მომსახურებაზე: ნიორი — გაიაფდა 42,7%-თ, კარტოფილი — გაიაფდა 33,1%-თ, საზაფხულო ფეხსაცმელი(გოგოს) — გაიაფდა 28,7%-თ და ლიმონი — გაიაფდა 24%-თ.