შინაგან საქმეთა სამინისტროს განცხადებით, 14-15 თებერვალს მთელი ქვეყნის მასშტაბით ჩატარებული საპოლიციო კონტროლის დროს, სისხლის სამართლის 78 დანაშაული გამოვლინდა.

შსს-ს სტატისტიკის მიხედვით, გამოვლინდა:

  • ნარკოტიკების უკანონო შეძენა-შენახვა-გასაღების (სსკ-ს 260-ე მუხლი) – 23 ფაქტი;
  • ცეცხლსასროლი იარაღის მართლსაწინააღმდეგო შეძენა-შენახვისა და ტარების (სსკ-ს 236-ე მუხლი) - 21 ფაქტი;
  • ქურდობის (სსკ-ს 177-ე მუხლი) – 8 ფაქტი;
  • სხვისი ნივთის დაზიანების (სსკ-ს 187-ე მუხლი) – 1 ფაქტი;
  • ძალადობის (სსკ-ს 126-ე მუხლი) – 1 ფაქტი;
  • ოჯახში ძალადობის (სსკ-ს 126-ე პრიმა მუხლი) – 1 ფაქტი;
  • ხულიგნობის (სსკ-ს 239-ე მუხლი) – 1 ფაქტი;
  • ყალბი ფულის დამზადება-გასაღების (სსკ-ს 212-ე მუხლი) – 1 ფაქტი;
  • პოლიციამ 3 ძებნილი პირი დააკავა.

შსს ასევე აცხადებს, რომ საპოლიციო კონტროლის დროს ადმინისტრაციული სამართალდარღვევის 1041 შემთხვევა დაფიქსირდა, მათ შორის:

  • წვრილმანი ხულიგნობის (ასკ-ს 166-ე მუხლი) - 2 ფაქტი;
  • პოლიციისადმი დაუმორჩილებლობის (ასკ-ს 173-ე მუხლი) - 19 ფაქტი;
  • პოლიციისადმი დაუმორჩილებლობისა და წვრილმანი ხულიგნობის (ასკ-ს 173-ე და 166-ე მუხლები) - 18 ფაქტი;
  • ცივი იარაღის ტარების (ასკ-ს 181-პრიმა მუხლი) – 22 ფაქტი.

ასევე, შსს-ს მტკიცებით, საპოლიციო კონტროლის მიმდინარეობისას, უკანონო ბრუნვიდან სხვადასხვა სახის ცეცხლსასროლი იარაღი და საბრძოლო მასალა ამოიღეს, მათ შორის:

5 ავტომატი, 13 პისტოლეტი, 2 შაშხანა, 8 გადაჭრილი სანადირო თოფი, 3 სანადირო თოფი, 2 ხელყუმბარა, 2 ტანკსაწინააღმდეგო ყუმბარა და სხვადასხვა კალიბრის 560 საბრძოლო ვაზნა.

შსს-ს ცნობით, კონტროლის დროს, სისხლის სამართლის დანაშაულისთვის - 17, ხოლო ადმინისტრაციული სამართალდარღვევისთვის – 36 პირი დააკავეს.