ბათუმის საკრებულომ ზღვის სანაპიროს ნაწილის კერძო საკუთრებაში გადასვლის საკითხი დღის წესრიგიდან ამოიღო.

"შემოვდივართ წინადადებით, რომ აღნიშნული საკითხი განხილულ იქნას, როცა შემოვა ბულვარის განაშენიანების გეგმა დასამტკიცებლად", — განაცხადა საკრებულოს თავმჯდომარემ.

ბათუმის საკრებულოში ბათუმი თაუერისთვის ზღვის პირას 3 380მ2 მიწის ნაკვეთის 15 წლით პირდაპირი განკარგვის წესით გადაცემას განიხილავენ. აღნიშნულ საკითხთა დაკავშირებით დეპუტატებისთვის კითხვების დასმა სურდათ მოქალაქეებს, რომლებიც ღია სხდომაზე დასწრებას ცდილობდნენ. თუმცა თავდაპირვლად მათ ამის საშუალება არ მისცეს, რაც ხმაური და დაპირისპირება მოჰყვა.

სხდომაზე შესვენება გამოცხადდა, რის შემდეგაც სამი მოქალაქე დარბაზში შეუშვეს. მათ ბულვარის ტერიტორიის გადაცემასთან დაკავშირებით თავიანთი უკმაყოფილება გამოთქვეს.