პრემიერმინისტრი ირაკლი ღარიბაშვილი ამბობს, რომ ნამახვანჰესის კაშხლის მშენებლობა 9-12 თვით ჩერდება. ამ პერიოდში კი ექსპერტების მოწვევით კვლევები და გარემოზე ზემოქმედების ეფექტი გადამოწმდება.

ღარიბაშვილმა ყურადღება გაამახვილა, რომ რიონის ხეობის ფონდის განვითარებისთვის 5-მილიონიანი ფონდი იქმნება, ასევე, თვითონ კომპანიას კომპენსაციებში 30 მილიონი აქვს დახარჯული.

"ამასთან, 850 მილიონი ლარის ინვესტიციას განახორციელებს. დღეს დამისახელეთ კომპანია, რომელიც კოვიდის პანდემიის დროს ამხელა ინვესტიციას შემოიტანს და ჩვენ ამას ვეწინააღმდეგებით ჩვენი სურვილით", — აღნიშნავს პრემიერმინისტრი.

მისივე თქმით, ნამახვანჰესის გარშემო არსებული "აჟიოტაჟი გაუგებარია", ხოლო ქვეყნის წინააღმდეგ ჰიბრიდული ენერგეტიკული ომის ნიშნები იკვეთება.