თუ ქალაქის ხმაურით გადაღლილს ბუნებაში განტვირთვა გსურს და მცენარეების შესახებ მეტის გაგებაც გინდა, საქართველოს ეროვნულ ბოტანიკურ ბაღს შენთვის საინტერესო სიახლე აქვს: 1-ლი აპრილიდან ბოტანიკურ ბაღში შემეცნებითი ტურები განახლდება. აღსანიშნავია, რომ შემეცნებით ტურებში მონაწილეობის მიღება უფასოა.

ბოტანიკური ბაღის შემეცნებითი ტურები ყოველ ხუთშაბათს 10 საათზე დაიწყება და 12 საათამდე გაგრძელდება. ტურის მონაწილეებს, ბუნებაში განტვირთვის გარდა, ბოტანიკურ ბაღში წარმოდგენილ მცენარეთა კოლექციების შესახებ მეტი ინფორმაციის გაგების შესაძლებლობა ექნებათ.

ფოტო: საქართველოს ეროვნული ბოტანიკური ბაღი

პანდემიის ფონზე უსაფრთხოების წესების უზრუნველსაყოფად, ტურის თითოეულ მონაწილეს ჩაუტარდება თერმოსკრინინგი და მონაწილეებს შორის დაცული იქნება ფიზიკური დისტანციაც.

უფასო შემეცნებით ტურზე რეგისტრაციის ბოლო ვადა 31 მარტია. მონაწილეობისთვის რეგისტრაცია გაიარეთ ბმულზე.