რაჭაში ნაპოვნი ბელების ისტორია, რომელთაც დედა სავარაუდოდ ბრაკონიერმა მოუკლა, უამრავმა ადამიანმა მიიტანა გულთან. დაობლებული პატარები ზოოლოგიურ ცენტრში მარტის დასაწყისში მიიყვანეს, სულ ცოტა ხნის წინ კი მათ 2 თვის იუბილე შეუსრულდათ.

ბელების ცხოვრება ტრაგიკულად დაიწყო — ჯერ დედა მოუკლეს, შემდეგ ადამიანების სამყაროში გადმოიყვანეს. თუმცა, ბოლოს მაინც გაუმართლათ: ისინი ზოოლოგიის ცენტრში მოხვდნენ, სადაც პატარები დედა დათვმა იშვილა. ეს პროცესი საკმაოდ საფრთხილო იყო, არსებობდა რისკები, რომ მცდელობა წარუმატებელი აღმოჩენილიყო და დედა დათვს სხვა ბელები არ მიეღო.

ზოოლოგიური ცენტრი წერს, რომ ველურ ბუნებაში ცხოვრების გასაგრძელებლად მნიშვნელოვანია ცხოველებს ადამიანების ეშინოდეთ, და რადგანაც ბელების რეაბილიტაციის შემდეგ მათი ველურ ბუნებაში დაბრუნება იგეგმება, მათი ნახვა აკრძალულია.

თუმცა, შეგიძლიათ ამ ვიდეოში ნახოთ, როგორ ზრუნავს დედობილი პატარებზე.

უფრო მეტის სანახავად კი ზოოლოგიური ცენტრის ფეისბუქგვერდს შეგიძლიათ ეწივიოთ.

ზოოლოგიური ცენტრის ზოგადი მისიის აღწერაში ვკითხულობთ, რომ გადაშენების პირას მყოფი მურა დათვების თავშესაფარი 2010 წელს საქართველოს გარემოსა და ბუნებრივი რესურსების დაცვის სამინისტროს თანხმობით შეიქმნა ქვეყანის მასშტაბით უკანონო ტყვეობაში მყოფი წითელი ნუსხით დაცული, გადაშენების პირას მყოფი მურა დათვების პრობლემის მოსაგვარებლად.

დაწვრილებით ინფორმაციისთვის შეგიძლიათ ეწვიოთ ვებგვერდს: Bears-shelter.com

დათვების რეაბილიტაციისთვის ფინანსური დახმარება ნებისმიერ მსურველს შეუძლია:

საქართველოს ბანკი:
GE05BG0000000037320500

❗️ჩვენს ბინადრებს ესაჭიროებათ თქვენი დახმარება, როგორც ფინანსურად ასევე საკვები პროდუქტებით. ❗️მადლობას გიხდით ყველას...

Posted by ზოოლოგიური ცენტრი Bears Sanctuary in Georgia on Sunday, March 21, 2021