ავტოსაგზაო შემთხვევის შედეგად ორი ადამიანი დაშავდა. ავტოსაგზაო შემთხვევა თბილისში, ბაგებში, MAN-ის მარკის ავტობუსსა და მსუბუქ ავტომობილს შორის მოხდა. დაშავებული ადამიანებიდან ერთი - მსუბუქი ავტომობილის მძღოლია, მეორე კი - ფეხით მოსიარულე.

თბილისის სატრანსპორტო კომპანიიის პრესსამსახურის ინფორმაციით, ფაქტთან დაკავშირებით გამოძიება დაწყებულია, დაზარალებულები სასწრაფო დახმარების სამსახურმა საავადმყოფოში გადაიყვანა. მათი მდგომარეობა დამაკმაყოფილებელია.

რა მუხლით დაიწყო გამოძიება უცნობია, შინაგან საქმეთა სამინისტროს პრესსამსახურთან დაკავშირება ამ ეტაპზე ვერ ხერხდება.