ევროპული საქართველოს ერთ-ერთი ლიდერი, სერგი კაპანაძე აცხადებს, რომ თუ ყოფილ პრემიერმინისტრს, გიორგი გახარიას უნდა პოლიტიკაში დარჩენა, პასუხი უნდა გასცეს მისი მისამართით დასმულ კითხვებს.

"გახარიას, ისევე როგორც მასთან დაახლოებულ სხვა ადამიანებს, ძალიან ბევრ კითხვაზე აქვთ პასუხი გასაცემი. მათ შორის, 20 ივნისთან დაკავშირებით, მათ შორის ბოლო პერიოდში გავრცელებულ ინფორმაციასთან დაკავშირებით, როგორ ცდებოდა სუს-ის (სახელმწიფო უსაფრთხოების სამსახური) გამოყენება პოლიტიკური ოპონენტების წინააღმდეგ, როგორ ხდებოდა უკანონო მოსმენები.

ძალიან ბევრ პრობლემაზე, რომელიც ამ ქვეყანაში არის, პირადად არის პასუხისმგებელი, ასევე, ბატონი გახარიაც. ამიტომ, თუ მას უნდა პოლიტიკაში დარჩენა, ეს რა თქმა უნდა მისი გადასაწვეტია, აუცილებლად მოუწევს ამ კითხვებზე პასუხის გაცემა", — განაცხადა სერგი კაპანაძემ.

დღეს, გიორგი გახარიამ განაცხადა, რომ პოლიტიკიდან წასვლას არ აპირებს.

"გეგმებს მივყვებით, ჩვენს დღის წესრიგს, რაც მოგვცემს იმის შესაძლებლობას და საშუალებას, რომ უახლოეს პერიოდში ყველაფერი დეტალურად გაგიზიაროთ და მოგიყვეთ", — უთხრა ჟურნალისტებს გახარიამ.

გახარიამ პრემიერმინისტრის თანამდებობა 18 თებერვალს დატოვა და ამის მიზეზად ნაციონალური მოძრაბის თავმჯდომარის, ნიკა მელიას საქმეზე ქართული ოცნების გუნდში აზრთა სხვადასხვაობა დაასახელა.

გაიგეთ მეტი: