HBO თავისი საკულტო სერიალის Game of Thrones (სამეფო კარის თამაშები) ყველასათვის კარგად ნაცნობ სამყაროს ახალი პრიქველებით კიდევ უფრო გააფართოებს.

უცხოურ მედიაში გავრცელებული ინფორმაციით, HBO-ში უკვე დაამტკიცეს სამი ახალი პროექტი, რომელსაც ყინულისა და ცეცხლის სიმღერის წიგნების სერიის ავტორის, ჯ.რ.რ. მარტინის ფენტეზის საყაროზე გადაიღებენ: მათი სავარაუდო სახელწოდებებია 9 Voyages / Sea Snake, Flea Bottom და 10 000 Ships.

9 Voyages ველარიონის საგვარეულოს მეთაურის, ლორდი ველარიონის ირგვლივ განვითარდება, რომელსაც ზღვის გველის სახელით იცნობენ. ის ვესტეროსში თავისი საზღვაო თავგადასავლებითა და ლანისტერებზე უფრო გავლენიანი საგვარეულის შექმნითაა ცნობილი.

Flea Bottom მეფის საბიჯელის ყველაზე ღარიბი დასახლებებისა და ბნელი ქუჩების შესახებ მოგვითხრობს: იმ ადგილებს უკეთ გავიცნობთ, სადაც გენდრი ბარათეონი გაიზარდა. ხოლო 10 000 Ships პრინცესა ნიმერიას ისტორიას აღწერს, რომელმაც დორნის სამეფო შექმნა.

დორნის სამეფოს წარმომადგენლები, რომელთაც მაყურებელი უკვე კარგად იცნობს.

ფოტო: HBO

სანამ ეს სამი ახალი პროექტი დაანონსდებოდა, მანამდე სამეფო კარის თამაშების კიდევ ერთ პრიქველზე უკვე ოფიციალურად დაიწყეს მუშაობა — House of the Dragon (დრაკონების სახლი).

თუ ზემოთ ხსენებულ სამ სპინოფზე ოფიციალურად ჯერ ბევრი არაფერია ცნობილია, სანაცვლოდ ვიცით, რომ დრაკონების სახლი ჩვენთვის ნაცნობ მოვლენებამდე 200 წლით ადრინდელ ისტორიაზე მოგვითხრობს: ტარგარიენების სამოქალაქო ომზეს, იგივე "დრაკონების ცეკვაზე".

ამ შოუში ვიხილავთ ისეთ სახეებს, როგორებიც არიან ოლივია ქუქი, ემა დარსი, მეთ სმიტი და პედი კონსიდაინი.

მოკლედ, როგორც ჩანს, კიდევ უფრო საინტერესო, მრავალფეროვანი და დაძაბული სანახაობა გველოდება.