ლეიბორისტული პარტიის ლიდერის, შალვა ნათელაშვილის განცხადებით, მისთვის ჟოზეფ ბორელის განცხადება მიუღებელია.

"მიუღებელია ევროკავშირის უმაღლესი წარმომადგენლის, ბატონ ბორელის გუშინდელი განცხადება გაკეთებული ბრიუსელში იმის თაობაზე, რომ საქართველოში საპარლამენტო არჩევნები იყო თავისუფალი და დემოკრატიული. ეს განცხადება ძალიან ჰგავს ნარიშკინის განცხადებას, რუსეთის საგარეო დაზვერვის დირექტორისა, რომელიც ასევე, აცხადებს, რომ არჩევნები ჩატარდა სამართლიანად და ოპოზიცია ტყუილად ედავება ჩვენს ოლიგარქს ტახტსა და ძალაუფლებას, ამიტომ რა თქმა უნდა, ეს ძალიან არასასიამოვნო მომენტია პროცესში", — განაცხადა ნათელაშვილმა.

ლეიბორისტული პარტიის ლიდერმა, შალვა ნათელაშვილმა კრისტიან დანიელსონთან შეხვედრა, რომელსაც ქართული ოცნებაც ესწრებოდა პროტესტის ნიშნად დატოვა. როგორც მან ჟურნალისტებს განუცხადა შეხვედრას ტოვებს, რადგან პირველ საკითხად რიგგარეშე არჩევნები და პოლიტპატიმრების გათავისუფლება არ განიხილება.