ეკონომიკის მინისტრის, ნათია თურნავას განცხადებით, ნამახვანჰესზე ჩატარებული კვლევები გადამოწმდება და თუ რაიმე იქნება შესაცვლელი, მშენებელი კომპანია ვალდებულია შესაბამისი ცვლილება პროექტში ასახოს.

"ჩვენ ამას გამოვრიცხავთ, მაგრამ, თუკი აღმოჩნდა, რაღაცა ისეთი. რაც არ იყო წინა კვლევებში გათვალისწინებული, კომპანია ვალდებულია და მან ეს ძალიან კარგად იცის და ათვიცნობიერებს, მოარგოს თავისი ტექნოლოგია, შეცვალოს პროექტი, გაზარდოს მასალების ხარჯი. თუნდაც ხარჯი გაიზარდოს თვითონ და ბიუჯეტი პროექტის, ეს არ აისახება ტარიფებზე. აი, ეს არის ამის შედეგი. ასე რომ, მთავარია ნდობის შექმნა, მაგრამ, თუკი რაიმე მაინც გახდა დასაკორექტირებელი, ჩვენ ასე ვართ შეთანხმებულები, რომ ისინი ამას თავის თავზე იღებენ", — განაცხადა ნათია თურნავამ პალიტრანიუსის ეთერში.

ამ დაშვების მიუხედავად, ეკონომიკის მინისტრმა ხაზგასმით აღნიშნა, რომ კვლევები მხოლოდ მეტი ნდობის გაჩენისთვის გადამოწმდება და როგორც სამინისტრო, ისე კომპანია, დარწმუნებულები არიან, რომ ახალი აღმოჩენა არ იქნება.

"კომპანია დარწმუნებულია, ისევე როგორც ჩვენ, რომ არაფერი განსაკუთრებული დამატებითი აღმოჩენა არ მოხდება, იმიტომ რომ პროექტი არის მართლაც ძალიან კარგად შესწავლილი. მაგრამ, მეტი ნდობის გაჩენისთვის, ჩვენ ამას ვაკეთებთ", — განაცხადა ნათია თურნავამ.

დღეს, 12 მარტს, ნათია თურნავამ რიონის ხეობის მცხოვრებლებთან შეხვედრისას განაცხადა, რომ კვლევების გადამოწმებამდე ნამახვანჰესის კაშხლისა და წყალსაცავის მშენებლობა არ დაიწყება.

გაიგეთ მეტი: