ჭყონდიდის ეპარქიაში, მარტვილში 10-მდე ადამიანი აივნიდან გადავარდა. მათ შორის არიან TV პირველი, ფორმულას, რუსთავი 2-სა და მთავარი არხის ჟურნალისტები და ოპერატორები.

On.ge-მ შეძლო დაკავშირება ნოდარ მელაძესთან, რომელი ამბობს, რომ TV პირველის ჟურნალისტი და ოპერატორი საავადმყოფოში არიან გადაყვანილები და მათ სიცოცხლესთან შეუთავსებელი ტრავმები არ აქვთ.

"კვლევები ჩაუტარდა, მდგომარეობა სტაბილურია, ექიმების თქმით, სიცოცხლესთან შეუთავსებელი ტრავმები არ აღენიშნება. ახლა უტარდებათ დამატებითი კვლევები. [...] კადრებშიც ჩანს, რომ კართან იდგნენ ოპერატორები, კარი იხსნება, სასულიერო პირები, ყოველ შემთხვევაში, ანაფორაში ჩაცმული ხალხი და ადამიანები, რომლებიც ოთახში იყვნენ, გამოდიან და აწვებიან კართან მდგომებს. მოაჯირმა ეტყობა ვერ გაუძლო", — ამბობს მელაძე.

მისივე თქმით, დამტვრეულია ტელეკომპანიის აპარატურაც და სავარაუდოდ, აღადგენას აღარ ექვემდებარება.

გარდა ამისა, საავადმყოფოშია გადაყვანილი რუსთავი 2-ის ოპერატორი, ამის შესახებ არხის ვებ-გვერდზეა მითითებული.

On.ge ცდილობს დაკავშირებას სხვა მედიებთანაც იმის გასარკვევად, როგორ არიან მათი ჟურნალისტები. ასევე, ვუკავშირდებით სასწაფო დახმარების სამსახურს.