ჯანდაცვის მინისტრის მოადგილის, თამარ გაბუნიას განცხადებით, მოლოდინი აქვთ, რომ ვაქცინაციის პროგრამის დაწყება მარტს აღარ გადასცდება. Covid-19-თან დაკავშირებული საკოორდინაციო საბჭოს სხდომის შემდეგ გაბუნია თქვა, რომ ქვეყანაში AstraZeneca-ს ვაქცინა უფრო ადრე შემოვა, ვიდრე Pfizer-ი.

"AstraZeneca-სთან მიმართებით მოლოდინი გვაქვს, რომ მარტის ბოლომდე უნდა დასრულდეს პირველი დოზების ჩამოტანა ქვეყანაში და შემდეგ გაგრძელდება. Covax-ი ცალსახად მიუთითებს, რომ ქვეყანაში AstraZeneca უფრო ადრე შემოვა, ვიდრე Pfizer-ი.

Pfizer-ის შემოტანის ვადა დაზუსტდება მას შემდეგ, რაც ჩვენ საბოლოოდ ჩამოვყალიბდებით იმ პირობებზე, რასაც აყენებს და დააყენებს Pfizer-ი სატელეფონო კომუნიკაციის დროს. მოლოდინი გვაქვს ისეთი, რომ მარტს აღარ უნდა გადაცდეს ვაქცინინაციის პროგრამის დაწყება და ვფიქრობთ, ამ შემთხვევაში სამივე მხარე თავის ვალდებულას შეასრულებს", — განაცხადა გაბუნიამ.

საქართველოში Covid-19-ზე ვაქცინა, ჯერჯერობით, არ შემოსულა. ჯანდაცვის სამინისტროში აცხადებდნენ, რომ თებერვლის ბოლოს საქართველო 29 250 დოზა Pfizer-ის ვაქცინას მიიღებდა, რომელიც 14 500-მდე სამედიცინო პერსონალზე იქნებოდა გათვლილი.

ჯანდაცვის მინისტრის მოადგილე, თამარ გაბუნია ამბობდა, რომ COVAX პლატფორმის ფარგლებში, დაახლოებით, მარტის დასაწყისში AstraZeneca-ს 315 000 დოზა შემოვიდოდა. ხოლო AstraZeneca-სთან პირდაპირი მოლაპარაკებების საფუძველზე, გაბუნიას თქმით, საქართველო 150 ათას დოზა ვაქცინას მიიღებდა.

გაიგეთ მეტი: