ქუთაისში ნამახვანჰესის წინააღმდეგ საპროტესტო აქცია მიმდინარეობს. ათასობით მოქალაქე ქუთაისის ცენტრშია შეკრებილი და ხეობიდან უცხოელი ინვესტორის გასვლას მოითხოვს.

აქციის მონაწილეები ამბობენ, რომ მოთხოვნების შეუსრულებლობის შემთხვევაში ისინი აქციებს კვლავ მოაწყობენ.

თავდაპირველად აქცია წყალტუბოს მუნიციპალიტეტის სოფელ ოფურჩხეთში, კომპანია ენკას უნდა გამართულიყო, თუმცა იმის გამო, რომ ხალხმრავლობას ელოდნენ, მიტინგმა ქუთაისში გადაინაცვლა.

ფოტო: კადრი ვიდეოდან / მაუწყებელი

ნამახვანი ჰესების კასკადი მდინარე რიონზე უნდა აშენდეს. მისი სიმძლავრე 433 მეგავატი იქნება. პროექტი 750 მილიონი აშშ დოლარის ღირებულებისაა და იგეგმება, რომ კასკადი ექსპლუატაციაში 2025-2026 წელს შევიდეს. პროექტს კომპანია ენკა რინიუებლზ ახორციელებს.

მოძრაობა რიონის ხეობის გადასარჩენად სოფელ ჟონეთში ნამახვანჰესის მშენებლობას უკვე ოთხ თვეზე მეტია უწყვეტად აპროტესტებს. ისინი აცხადებენ, რომ ჰესი გაანადგურებს რიონის ხეობას და მის უნიკალურ ბუნებას. ჰესის მონაწინააღმდეგეებს კარვები აქვთ გაშლილი და სხვადასხვა გზით ცდილობენ კომპანიას მშენებლობაში ხელი შეუშალონ.