ქალი ზედის გარეშე არგენტინაში გამართულ აქციაზე, ზურგზე წარწერით "მე თავისუფალი ვარ". 7 თებერვალი, 2017 წელი.

ფოტო: Marcos Brindicci / Reuters

უამრავმა წელს ზემოთ შიშველმა ქალმა, სხვა ჩაცმულ აქტივისტებთან ერთად, არგენტინის დედაქალაქ ბუენოს-აირესში აქცია გამართა. ისინი ითხოვენ, რუჯის მიღებისას, მამაკაცების მსგავსად, ნახევრად შიშვლად ყოფნის უფლებას.

გარდიანის ინფორმაციით, აქცია მას შემდეგ დაიგეგმა, რაც პოლიციელებმა მკერდმოშიშვლებულ ქალებს სანაპიროს დატოვება მოსთხოვეს.

აღნიშნულ ინციდენტს არგენტინის სხვა ქალაქებშიც გამოეხმაურნენ საპროტესტო აქციებით. უცნობია, არგენტინის კანონმდებლობა აძლევს თუ არა ქალებს უფლებას საჯარო სანაპიროზე წელს ზემოთ შიშვლებმა იარონ.

"მათ ის მკერდი აწუხებთ, რომელიც არ იყიდება" - წერია ერთ-ერთი აქტივისტის ზურგზე.

ქალები მიიჩნევენ, რომ მათაც, როგორც კაცებს, უნდა ჰქონდეთ უფლება სანაპიროზე წელსზემოთ ჩაცმულებმა არ იარონ.

აქტივისტების თქმით, სანაპიროზე მომხდარი ინციდენტი ქვეყანაში არსებულ სოციალურ უთანასწორობას კიდევ უფრო აშკარას ხდის.