ნაციონალური მოძრაობის ერთ-ერთი წევრის, ხატია დეკანოიძის თქმით, პრემიერმინისტრობის კანდიდატი, ირაკლი ღარიბაშვილი საზოგადოების დამყოფია.

"ირაკლი ღარიბაშვილი არის ჩვენი საზოგადოების დამყოფი ადამიანი, ეს არის ადამიანი, რომელიც არის სრულიად დისკრედიტირებული არა მხოლოდ ჩვენს ქვეყანაში, არამედ საერთაშორისო ასპარეზზე. ეს არის ადამიანი, რომელმაც მოატყუა პრეზიდენტ ობამას ადმინისტრაცია, მათ შორის, ვიცეპრეზიდენტი ბაიდენი, როდესაც პირობა მისცა, რომ პოლიტიკური დევნა საქართველოში არ დაიწყებოდა. ეს არის ადამიანი, რონელიც ხელს არ აწერდა ამერიკის სამხედრო დახმარების გადმოცემას ჩვენს ქვეყანაზე, ეს არის ადამიანი, რომელმაც ხიდაშელთან და რუსულ სპეცსამსახურებთან ერთად საქართველოს შეუქმნა მნიშვნელოვანი ეროვნული გამოწვევა, ვგულისხმობ გარეჯის თემას", — განაცხადა დეკანოიძემ.

მინისტრთა კაბინეტის ახალი შემადგენლობისა და მთავრობის მეთაურის დამტკიცება მას შემდეგ გახდა აუცილებელი, რაც გიორგი გახარიამ პრემიერმინისტრის თანამდებობა დატოვა.

ნაციონალური მოძრაობის თავმჯდომარის, ნიკა მელიასთვის პატიმრობის შეფარდებიდან რამდენიმე საათში 18 თებერვალს საქართველოს პრემიერმინისტრი, გიორგი გახარია გადადგა. გახარიას გადადგომიდან რამდენიმე წუთში კი, შსს-მ მელიას საქმეზე დაგეგმილი ღონისძიება "დროებით" გადადო.

17 თებერვალს თბილისის საქალაქო სასამართლომ დააკმაყოფილა პროკურატურის მოთხოვნა და ნაციონალური მოძრაობის თავმჯდომარეს, ნიკა მელიას აღკვეთის ღონისძიების სახით პატიმრობა შეუფარდა. საქმეს მოსამართლე ნინო ჩახნაშვილი განიხილავდა. აღსანიშნავია, აღკვეთის ღონისძიების შეფარდება არ ნიშნავს საბოლოო გადაწყვეტილებას — განხილვები ამის შემდეგაც უნდა გაგრძელდეს და სასამართლოს მაქსიმუმ 9-თვიანი ვადა აქვს, რომ საბოლოო ვერდიქტი გამოიტანოს.

მთელი ღამის განმავლობაში ნაციონალური მოძრაობის ოფისში ოპოზიციური პარტიების ლიდერები იმყოფებოდნენ. ისინი აცხადებენ, რომ ხელისუფლებას მელიას დაკავების საშუალებას არ მისცემენ. 18 თებერვალს, დილით პოლიცია ენმ-ის ოფისთან მივიდა, თუმცა აქტივისტებმა შენობაში არ შეუშვეს. ამის შემდეგ შსს-მ გავრცელა განცხადება და პოლიტიკოსებსა და მხარდამჭერებს მოუწოდა, პოლიციას ხელი არ შეუშალონ სასამართლოს გადაწყვეტილების აღსრულებაში.

გუშინ, 18 თებერვალს ქართულმა ოცნებამ პრემიერმინისტრობის კანდიდატად ირაკლი ღარიბაშვილი დაასახელა. იმ შემთხვევაში, თუ პარლამენტი მთავრობის ახალ შემადგენლობას დაამტკიცებს, ღარიბაშვილი პრემიერმინისტრი მეორედ გახ