ორშაბათს, 6 თებერვალს ყატარის ავიახაზების ბორტმა QR920 დოჰადან ოკლენდის მიმართულებით შეუჩერებლად იფრინა. Boeing 777-200LR-იმ ჰაერში 16 საათი 20 წუთი გაატარა.

ვისაც თვითმფრინავით ექვს საათზე მეტი უფრენია, დაგვეთანხმება, რომ ამ პერიოდის გასვლის შემდეგ მგზავრობა გაუსაძლისი ხდება და ყოველი წუთი და წამი საშინლად იწელება, ხოლო სავარძელზე დამონტაჟებულ ეკრანზე, რომელზეც ხომალდის ლოკაცია ჩანს, თვითმფრინავი მიღოღავს და რამდენიმე სანტიმეტრის გავლას იმდენ ხანს უნდება, რომ გეგონება საათები გავიდაო.

მაგრამ QR920-ის მგზავრები ამ ისტორიულ რეისს სულაც არ შეუშინებია, ბევრი მათგანი ბედნიერიც იყო, რომ ასეთ ისტორიულ გადაფრენაში იღებდა მონაწილეობას. მათ შორის იყო ცნობილი ტელეწამყვანი რიჩარდ ქვესტი.

ასე მშვიდად და შეუფერხებლად დაჯდა ბოინგი ოკლენდში.

დაფრენისას ხომალდს, ტრადიციულად, წყლის ჭავლით მიესალმენ.

თვითმფრინავმა ჯამში 14,528 კილომეტრი დაფარა. უკან დასაბრუნებელი რეისი კი უფრო ხანგრძლივი იქნება და 17 საათი და 30 წუთი გაგრძელდება.