პრეზიდენტის ადმინისტრაციის ინფორმაციით, ვენეციის კომისიამ საქართველოს პრეზიდენტს გამოუგზავნა საპასუხო წერილი "საკონსტიტუციო სასამართლოს შესახებ" კანონპროექტთან დაკავშირებით, სადაც წერია:

„ვეცდებით, მოვამზადოთ ჩვენი საჯარო, წინასწარი მოსაზრება „საკონსტიტუციო სასამართლოს შესახებ“ ორგანულ კანონთან და „საკონსტიტუციო სამართალწარმოების შესახებ“ კანონთან დაკავშირებით ყველაზე მჭიდრო ვადაში - 10 დღეში".

კანონპროექტი, რომელსაც საკონსტიტუციო სასამართლოსთან ერთად ეწინააღმდეგება საპარლამენტო ოპოზიცია, არასამთავრობოების ნაწილი და უმრავლესობაში მყოფი რესპუბლიკური პარტია, პარლამენტმა მიიღო და ხელმოსაწერად პრეზიდენტს გაუგზავნა. პრეზიდენტმა კი, თავისი ინიციატივით, კანონპროექტი ვენეციის კომისიას წარუდგინა და მისი შეფასება ითხოვა.