"უი, რას მელაპარაკებით, პირველად მესმის თქვენგან, აუცილებლად გადავამოწმებ", — ასე უპასუხა ეკონიმიკა და მდგრადი განვითარების მინისტრმა, ნათია თურნავამ კითხვას მისი გადადგომის შესახებ.

ეკონომიკის მინისტრის თქმით, ჯერჯერობით "მსგავსი სიგნალი" არ მისვლია.

"რა თქმა უნდა, არ ვადასტურებ, იმიტომ, რომ ამ გადაწყვეტილებას იღებს არა მედია, არ მიწყინოთ, არამედ პრემიერმინისტრი და ჯერჯერობით მსგავსი სიგნალი არ მომსვლია. ოდესღაც ყველანი სადღაც წავალთ და მე დარწმუნებული ვარ, ჩვენზე უკეთესი ადამიანები მოვლენ, მაგრამ ჯერჯერობით არ ვაპირებთ და ვმუშაობთ, თქვენთვის და ყველასთვის", — უთხრა თურნავამ ჟურნალისტებს.