"დიდ პატივს ვცემ გიგის და დათოს გადაწყვეტილებას, მე ასეთი გადაწყვეტილება არ მაქვს მიღებული", — განაცხადა გიგა ბოკერიამ. მისი თქმით, კოლეგების გადაწყვეტილება არასწორად მიაჩნია და ფიქრობს, რომ ახლა არ არის დროს ლიდერები "გაიწიონ ხელძღვანელი პოზიციებიდან".

"აბსოლუტურად ნორმალური არის ის არგუმენტები, რაც დათომ და გიგიმ თქვეს, როდესაც ასეთ რთულ ვითარებაში არის ნებისმიერი პოლიტიკური პარტია და ჩვენ ამბიციური პარტია ვართ და ის, რომ მესამე ადგილზე გავედით ჩვენთვის იმ ციფრებით, რა ციფრებიც იყო, მანიპულაციის მიუხედავად, ამაში მთლაიანდ ვიზიარებ, რომ ეს არის სერიოზული განსჯის საგანი, გახდა უკვე და კიდევ უფრო უნდა გაღრმავდეს დისკუსია. ოღონდ მე არ ვიზიარებ იმ გადაწყვეტილებას, რომ ეს იყო, არის სწორი მომენტი იმისთვის, რომ ლიდერები გაიწიონ ხელმძღვანელი პოზიციებისგან", — განაცხადა მან.

პარტიის ორმა ლიდერმა, თავმდჯომარე დავით ბაქრაძემ და გენერალურმა მდივანმა, გიგი უგულავამ განაცხადეს, რომ მომდევნო ყრილობაზე თანამდებობაზე კენჭს აღარ იყრიან. მათი თქმით, კარგი იქნებოდა, იგივე გადაწყვეტილება ბოკერიასაც მიეღო.

ევროპულ საქართველოში დაგეგმილი სტრუქტურული ცვლილებების შესახებ ინფორმაცია On.ge-მ 9 თებერვალს გაავრცელა. პარტიაში არ ადასტურებდნენ, რომ შესაძლოა, დავით ბაქრაძემ ევროპული საქართველო დატოვოს. თუმცა, ისინი ადასტურებდნენ, რომ 2020 წლის საპარლამენტო არჩევნების შემდეგ პარტიაში ცვლილებებზე დაიწყეს საუბარი.