ავსტრალიის ტყის ხანძრის დრონით გადაღებული ფოტო წლის ველური ბუნების ფოტოგრაფის დაჯილდოებაზე გამარჯვებული გახდა. ფოტოს ავტორმა, რობერტ ირვინმა 55 ათასი ადამიანის ხმა მოიპოვა და დაჯილდოების მოკლე სიაშია მოხვედრილ 24 სხვა განაცხადს აჯობა.

ფოტოზე აღბეჭდილი ხანძრის მსგავსი შემთხვევები ადგილობრივი ეკოსისტემებისთვის დიდი საფრთხეა და ტერიტორიაზე მცხოვრები უნიკალური სახეობების სიცოცხლისთვის სარისკო. ფოტო 2019/2020 წლების ზაფხულის გამანადგურებელი ხანძრების ერთგვარი შეხსენებაც არის, რომლის დროსაც ასობით ადამიანი გარდაიცვალა, ათასობით სახლი განადგურდა და 1 მილიონ ჰექტარზე დიდი ტერიტორია დაიწვა.

ირვინის აზრით, ბუნების ფოტოგრაფია მნიშვნელოვანია, რადგან პლანეტის მოფრთხილების აუცილებლობას გვიჩვენებს.

"ვფიქრობ, ამ კადრის გამარჯვებას განსაკუთრებული დატვირთვა აქვს, რადგან გვიჩვენებს ადამიანთა საზიანო გავლენას ბუნებაზე და ყველას პასუხისმგებლობას გვაკისრებს", — აღნიშნა გამარჯვებული ფოტოს ავტორმა.

დაჯილდოების არანაკლებ შთამბეჭდავი მონაწილე იყო კიდევ ერთი ფოტო, რომელიც გვიჩვენებს ჩრდილოეთ კენიელი ბიჭის მცდელობას ჩრდილოეთის თეთრი მარტორქის უკანასკნელ ეგზემპლარს სიცოცხლის უკანასკნელ წუთები შეუმსუბუქოს.

ფოტო: Ami Vitale

ნახეთ დაჯილდოებაზე წარმოდგენილი სხვა კადრები.

ფოტო: Neil Anderson

ფოტო: Andy Parkinson

ფოტო: Guillermo Esteves