შსს დაუმორჩილებლობის აქციის მონაწილეებს აჯარიმებს, აქტივისტები გადახდას არ აპირებენ
შინაგან საქმეთა სამინისტრომ 6-7 თებერვალს, დაუმორჩილებლობის აქციაზე მყოფი პირების დაჯარიმება დაიწყო. მიუხედავად იმისა, რომ აქციის მიმდინარეობისას ადგილზე მობილიზებული იყო ასეულობით პოლიციელი, პროტესტში მონაწილე მხოლოდ რამდენიმე პირი დააჯარიმეს, სხვებს კი მომდევნო დღეებში ტელეფონით აცნობეს.
მოძრაობა სირცხვილიას აქტივისტის, მარიამ დოლიძის განცხადებით, შსს-დან დღეს, 9 თებერვალს, დილით დაუკავშირდნენ და აცნობეს, რომ მის წინააღმდეგ დაწყებულია სამართალწარმოება ადმინისტრაციული წესით.
ის განხილვაზე დაიბარეს. აქტივისტი მისვლას არ აპირებს, რადგან ფიქრობს, რომ სამართალდარღვევა არ ჩაუდენია.
"არაფერი განსაკუთრებული, უბრალოდ ჯარიმააო მითხრეს. ზოგადად, დემოკრატიულ სახელმწიფოში ნებისმიერ მოქალაქეს უნდა ჰქონდეს შესაძლებლობა, გამოხატოს თავისი აზრი და გააპროტესტოს შეზღუდვა, რომელსაც მიიჩნევს უსამართლოდ, არაეფექტურად და მიზანშეუწონლად", — ამბობს დოლიძე On.ge-სთან.
მსგავსი შეტყობინება მიიღო ორმა კიდევ აქტივისტმა — შუშანა მაცაბერიძემ და თამთა გოგოლაძემ.
"მითხრეს, რომ უნდა მივსულიყავი განხილვაზე. ვუთხარი, რომ არ მოვიდე თუ შეიძლება-მეთქი და თქვენი ნებააო. ეს ჯარიმა არის უკანონო, რადგან შეკრება-მანიფესტაცია იყო ჩვენი აქტი კომენდანტის დარღვევის და სრულიად არაკონსტიტუციურია, რომ ამაზე დაგვაჯარიმონ.
გადახდას არ ვაპირებ. არც სასამართლო დარბაზში მასკარადსა და ფარსში მონაწილეობის მიღება მინდა, რადგან თავიანთ სასარგებლო გადაწყვეტილებას გამოიტანენ საბოლოო ჯამში", — განუცხადა გოგოლაძემ On.ge-ს.
შუშანა მაცაბერიძის თქმით, მიუხედავად იმისა, რომ დაკავების ოქმებში თავისი ტელეფონის ნომერი არაერთხელ დააფიქსირა, შსს-მ მის სახელზე რეგისტრირებულ სხვა ნომერზე დარეკა, რომელსაც არასრულწლოვანმა დისშვილმა უპასუხა. აქტივისტის თქმით, ბავშვი დაისტრესა და უწყების მხრიდან ეს არასწორი საქციელია.
"პოლიცია სახეზე მცნობს და აქციებზე მესალმებიან ვიღაც უცხო პოლიციელები, რომლებიც არ ვიცი ვინ არიან. დაკავებული ვყავარ ამ ადამიანებს ორჯერ და ორივე ოქმში ჩაწერილი მაქვს ჩემი ნომერი, შესაბამისად, ბაზაში ჩემი ნომერი უნდა ყოფილიყო. იმ ბაზაში უნდა მოეძებნათ და ამის მაგივრად დარეკეს სხვა ნომერზე და დასტრესეს ბავშვი. ეს ყველაფერი არის მარაზმი", — ამბობს ის.
მაცაბერიძის თქმით, ჯარიმის გადახდას არ აპირებს, რადგან არაკონსტიტუციურად მიაჩნია.
"კიდევ ერთი ნაბიჯი გადავდგით რუსეთისკენ. ამ აბსურდს და ბოროტებას აუცილებლად ექნება პასუხი სამოქალაქო საზოგადოების მხრიდან", — აცხადებს ის.
შინაგან საქმეთა სამინისტროში On.ge-ს განუცხადეს, რომ დაუმორჩილებლობის აქციაზე იდენტიფიცირებულია 51 პირი. მათი თქმით, აქედან 8 ადამიანი 2 000 ლარით დააჯარიმეს გადაადგილების შეზღუდვის დარღვევის გამო, 24 პირზე კი დაწყებულია ადმინისტრაციული სამართალწარმოება. გარდა ამისა, უწყებაში ამბობენ, რომ 51-დან 19 პირის მიმართ გამოძება სისხლის სამართლი კოდექსით დაიწყო გადაადგილების აკრძალვის განმეორებით დარღვევის გამო.
მოძრაობა სირცხვილიაში აცხადებენ, რომ ჯარიმები უკანონო, პოლიტიკურად მოტივირებული რეპრესიული აქტია და მოუწოდებენ დაჯარიმებულებს, ინფორმაცია მიაწოდონ.
"იმ შემთხვევაში, თუ შსს-ს წარმომადგენელი დაგიკავშირდებათ და შეგატყობინებთ დაკისრებული ჯარიმის შესახებ ან პოლიციის განყოფილებაში მისვლა გთხოვეს — აუცილებლად შეგვატყობინეთ", — წერია მათ განცხადებაში.
სამოქალაქო აქტივისტებმა და ბიზნესის სხვადასხვა სფეროს წარმომადგენლებმა თბილისში ე.წ. დაუმორჩილებლობის აქცია 7 თებერვალს, გამართეს. აქცია მიმდინარეობდა ბათუმშიც. მოქალაქეები კორონავირუსის გავრცელების პრევენციის მიზნით დაწესებულ შეზღუდვებს აპროტესტებდნენ და მოითხოვდნენ, როგორც კომენდანტის საათის მოხსნას, ასევე, ბიზნესის სხვადასხვა სფეროს სრულად აღდგენას.
-
გადახედვარა ასაკში მიაჩნიათ ადამიანი ხანდაზმულად რა ასაკში მიაჩნიათ ადამიანი ხანდაზმულად
-
გადახედვამკვლევრებმა კოსმოსში ახალი მოლეკულა აღმოაჩინეს მკვლევრებმა კოსმოსში ახალი მოლეკულა აღმოაჩინეს
-
გადახედვამოლაპარაკებები არ დაიწყება, ვიდრე ეს კანონი დღის წესრიგშია — ევროპარლამენტის რეზოლუციის საბოლოო პროექტი მოლაპარაკებები არ დაიწყება, ვიდრე ეს კანონი დღის წესრიგშია — ევროპარლამენტის რეზოლუციის საბოლოო პროექტი
-
გადახედვაშესაძლოა, პაციენტებს გადარჩენის მეტი შანსი ჰქონდეთ, თუ მათი ექიმი ქალია — კვლევა შესაძლოა, პაციენტებს გადარჩენის მეტი შანსი ჰქონდეთ, თუ მათი ექიმი ქალია — კვლევა
-
-
გადახედვამესტიის მერი დეკლარაციაში ქონებას მალავს — TI მესტიის მერი დეკლარაციაში ქონებას მალავს — TI
-
-
-
-
გადახედვაროდის გაჩნდნენ დედამიწაზე მანათობელი ცხოველები? — კვლევა როდის გაჩნდნენ დედამიწაზე მანათობელი ცხოველები? — კვლევა
-
გადახედვაბრძოლა გრძელდება, აქციებზე შევხვდებით — ლაზარე გრიგორიადისის პირველი განცხადება გათავისუფლების შემდეგ ბრძოლა გრძელდება, აქციებზე შევხვდებით — ლაზარე გრიგორიადისის პირველი განცხადება გათავისუფლების შემდეგ
-
გადახედვალაზარე გრიგორიადისი თავისუფალია ლაზარე გრიგორიადისი თავისუფალია
-
გადახედვაშეიმუშავეს ხელოვნური ინტელექტი, რომელსაც ადამიანის დნმ-ის რედაქტირება შეუძლია შეიმუშავეს ხელოვნური ინტელექტი, რომელსაც ადამიანის დნმ-ის რედაქტირება შეუძლია
-
-
-
-
გადახედვასალომე ზურაბიშვილმა ლაზარე გრიგორიადისი შეიწყალა სალომე ზურაბიშვილმა ლაზარე გრიგორიადისი შეიწყალა
-
გადახედვა"იდენტიფიცირებულნი იქნებიან ის პირები, რომლებიც აქციის მონაწილეებს საავტომობილო გზების პარალიზებისკენ მოუწოდებენ" — შსს-ს განცხადება "იდენტიფიცირებულნი იქნებიან ის პირები, რომლებიც აქციის მონაწილეებს საავტომობილო გზების პარალიზებისკენ მოუწოდებენ" — შსს-ს განცხადება
-
გადახედვანახეთ: მზეზე ერთდროულად 4 ამოფრქვევა მოხდა — უიშვიათესი მოვლენა ნახეთ: მზეზე ერთდროულად 4 ამოფრქვევა მოხდა — უიშვიათესი მოვლენა
-
გადახედვადააკავეს 2 პირი, რომლებმაც მოქალაქეებს, სიცოცხლის მოსპობის მუქარით, დიდი ოდენობით თანხა გამოსძალეს დააკავეს 2 პირი, რომლებმაც მოქალაქეებს, სიცოცხლის მოსპობის მუქარით, დიდი ოდენობით თანხა გამოსძალეს
-
კომენტარები