ბათუმში საპროტესტო აქციაზე დაკავებული 11 პირის სასამართლო პროცესი გაიმართა. როგორც სასამართლოს პრესსამსახურში On.ge-ს განუცხადეს, 9 პირი 1 000-1 000 ლარით, ხოლო 2 დაკავებული 1 500-1 500 ლარით დააჯარიმეს.

თბილისის პარალელურად ე.წ. დაუმორჩილებლობის მარში ბათუმშიც მოეწყო. აჭარაში აქციის 11 მონაწილე დააკავეს. მათ პოლიციის დაუმორჩილებლობას ედავებოდნენ.

დაუმორჩილებლობის აქცია ე.წ. კომენდანტის საათის დროს დაიწყო. თბილისში ის დილის ხუთ საათამდე გაგრძელდა. თითქმის ორსაათიანი მსვლელობის შემდეგ აქტივისტები დედა ენის ბაღში გაჩერდნენ, სადაც მუსიკა ჩართეს და ცეკვავდნენ. აქციის მიმდინარეობისას პოლიციას არავინ დაუკავებია და არც დაუჯარიმებია.