საქართველოს ბანკი ადგილობრივი წარმოების მხარდაჭერას განაგრძობს. შპს საკონდიტრო კომპანიის საქმიანობის გაფართოებისა და ხელშეწყობის მიზნით, ბანკმა $150 000-ის ინვესტიცია მოიზიდა.

"საქართველოს ბანკი ადგილობრივი წარმოების წახალისებას აქტიურად განაგრძობს. ჩვენი ფინანსური მხარდაჭერით, შპს საკონდიტრო კომპანია ფართოვდება. მეტი სამუშაო ადგილების შექმნა და ადგილობრივი ბიზნესის გაძლიერება საქართველოს ბანკის უცვლელ პრიორიტეტად რჩება. შესაბამისად, მოხარული ვართ, რომ გვაქვს შესაძლებლობა, გვერდში დავუდგეთ და ჩვენი წვლილი შევიტანოთ კიდევ ერთი ბიზნესის, ამჯერად საკონდიტრო კომპანიის სამომავლო განვითარებაში", — განაცხადა მერაბ ახვლედიანმა, საქართველოს ბანკის საცალო ბიზნესის საბანკო მომსახურების დეპარტამენტის დირექტორმა.

პროექტის ჯამური ღირებულება 1 მლნ ლარს შეადგენს, რომლის ფარგლებშიც საკონდიტრო კომპანიას სულ მალე ახალი საწარმო შეემატება. მისი მეშვეობით, კომპანია დღეში 350-400კგ პროდუქციის წარმოებასა და შეთავაზებული საკონდიტრო ასორტიმენტის კიდევ უფრო გამრავალფეროვნებას შეძლებს.

ამჟამად კომპანია 10 ადამიანს ასაქმებს, პროდუქციის რეალიზება კი საქართველოს ყველა რეგიონში ხორციელდება, მათ შორის სანდომის ქსელში.