დაბალბიუჯეტიანი ავიაკომპანია Wizz Air ქუთაისის აეროპორტიდან ფრენების დამატებაზე მუშაობს. ამის შესახებ ვიზეარის კორპორატიული კომუნიკაციების მენეჯერმა, სორინა რათზიმ, MyRest.Ge-ს ექსკლუზიურ ინტერვიუში განუცხადა:

"ჩვენი პროფესიონალები ცდილობენ გააფართოვონ ვიზეარის ქსელი. ამავდროულად, ვცდილობთ, ტარიფები მომავალშიც ხელმისაწვდომი იყოს. ყველა ახალი მიმართულების დამატება კომპანიის მხრიდან გამოცხადდება ჯეროვნად".

ჯერჯერობით უცნობია, რომელ მიმართულებაზე დაამატებს ფრენებს უნგრული კომპანია.

Wizz Air-ის პირველი ბაზა საქართველოში 23 სექტემბერს ოფიციალურად გაიხსნა ქუთაისში და ის დავით აღმაშენებლის სახელობის საერთაშორისო აეროპორტიდან ევროპის ქალაქების მიმართულებით უკვე თორმეტ რეისს ასრულებს.