კანადის მთავრობამ ულტრამემარჯვენე ორგანიზაცია რუსული იმპერიული მარში ტერორისტული ორგანიზაციების სიაში შეიყვანა. ამის შესახებ საზოგადოებრივი უსაფრთხოების მინისტრმა, უილიამ ბლერმა განაცხადა.

კანადამ ქვეყანაში აკრძალული ტერორისტული დაჯგუფებების სია კიდევ 13 ორგანიზაციით გააფართოვა და მათ შორის არიან Proud Boys, The Base და Atomwaffen Division, რომლებიც აშშ-ში აქტიურობენ. ამასთან, სიაში მოხვდნენ ისლამურ სახელმწიფოსთან და ალ-ქაიდანსთან კავშირში მყოფი ორგანიზაციები.

გამოცემა Meduza-ს ინფორმაციით, რუსული იმპერიული მოძრაობა უკრაინის აღმოსავლეთში საბრძოლო მოქმედებებში მონაწილეებს აფინანსებდა და სამხედრო ჯგუფებს ხელმძღვანელობდნენ. 2017 წელს შვეიცარიის პროკურატურამ, აღნიშნული მოძრაობა დააკავშირა იმ პირებთან, რომლებიც გეტებორგში ლტოლვილთა ბანაკთან აფეთქების მოწყობაში არიან ეჭვმიტანილი.

რუსული იმპერიული მოძრაობა ტერორისტული დაჯგუფებების სიაში 2020 წლის აპრილში აშშ-მაც შეიყვანა. ეს პირველი შემთხვევა იყო, როცა აშშ-მ ტერორისტებად აღიარა ორგანიზაცია, რომელიც "თეთრკანიანთა რასის უპირატესობას" ამტკიცებენ.