უოლ-სტრიტის ერთ-ერთი ყველაზე გიჟური კვირით ჰოლივუდი უკვე დაინტერესდა და ამ ამბის მოსაყოლად სწორი ადამიანიც შეარჩია. MGM-მა წიგნის იდეა უკვე იყიდა, ანტისოციალური ქსელი New York Times-ის ყველაზე გაყიდვადი ავტორის ბენ მეზრიქის იდეაა, რომელიც მოყვარული ინვესტორების, გეიმერების და ინტერნეტ ტროლების მიერ უოლ-სტრიტის დამხობას ეხმიანება. ამბის გახმაურებიდან ერთი კვირაც არ გასულა, მაგრამ წიგნის იდეა უკვე გაჟღერდა და ფილმის გადაღებაზე უფლებებიც გაიყიდა.

როგორ აკარგვინებენ Wall Street-ს მილიარდებს რედდიტის მომხმარებლები

MGM-ის მაიკლ დელუკა მეზრიქთან კიდევ ერთხელ ითანამშრომლებს. ავტორის წიგნი შემთხვევითი მილიარდერები: ფეისბუქის დაფუძნება, სექსის, ფულის, გენიოსისა და ღალატის ამბავი ოსკარის მფლობელი ფილმის, სოციალური ქსელის იდეად იქცა.

უოლ-სტრიტის ამბავიც მეზრიქისთვის იდეალური თემაა: რედიტის მომხმარებლები, რომლებიც რედიტის გვერდ, უოლ-სტრიტის ფსონების მიმდევრები არიან, გაერთიანდნენ და კომპანია GameStop-ის აქციების ფასის რეკორდული მატება შეძლეს. უოლ-სტრიტის ბაზარი კომპანიების წარუმატებლობაზე ფსონების დადებასაც მოიცავს, რაც ვიდეოთამაშების გაყიდვაზე ორიენტირებული კომპანიის GameStop-ის ფინანსური მდგომარეობის გაუარესებას იწვევდა. რედიტის მომხმარებელმა ინვესტორებმა კომპანიის აქციების შესყიდვა დაიწყეს, რამაც მათი 1,700%-ით გაზრდა გამოიწვია და სულ რაღაც ერთ თვეში კომპანიის საბაზრო ფასმა $10 მილიონს გადააჭარბა. ხოლო კომპანიის წარუმატებლობაზე დადებული ფსონების ავტორებმა დიდი ფინანსური დარტყმა განიცადეს.

თუმცა ამბავი ამით არ დასრულებულა, საიტზე კიდევ უფრო მეტი ადამიანი გაერთიანდა და სხვა დაცემული აქციების შესყიდვა დაიწყეს, რამაც საბაზრო სიტუაცია თავდაყირა დააყენა. ამიტომაც ვაჭრობის აპლიკაცია RobinHood-მა გარკვეულ აქციებზე შეზღუდვები დააწესა.

უცნობია მეზრიქი განვითარებული ამბების რა ნაწილის მოყოლას გადაწყვეტს, თუმცა ეს ისტორია ჰოლივუდისთვის იდეალური პროექტია. ოსკარის ნომინანტი პროდიუსერი აარონ რაიდერი ფილმის პროდიუსინგს ჩაიბარებს. ქემერონ და ტაილერ ვინკლვოსები კი აღმასრულებელი პროდიუსერები იქნებიან. წიგნი საგამომცემლო აუქციონზე თებერვალში გამოჩნდება.