მოშინაურებული ქრცვინი, სახელად ბანდიტი, სარეცხ მანქანაში რეცხვას სასწაულებრივად გადაურჩა.

ვეტერინარები გადარჩენის მხოლოდ 1%-იან შანსს ხედავდნენ, როცა ბანდიტი გასარეცხ ტანსაცმელში მოკალათდა და 100 წუთის განმავლობაში ირეცხებოდა. ინციდენტის შედეგად ორი წლის ქრცვინს ფილტვი გაეთიშა და დაჟეჟილობები მიიღო.

"მისმა პატრონებმა სწრაფად იმოქმედეს, ვეტერინართა გუნდმაც ცდა არ დააკლო და ტრაგედია თავიდან ავიცილეთ. გასაოცარია, რომ ნაბიჯების გადადგმა 4 საათში ისევ შეძლო, ამან მიგვახვედრა, რომ გადარჩა", — განაცხადა დევიდ მეისიმ, ცხოველთა ქირურგმა.

ბანდიტის პატრონისთვის, ჯეკი რედფერნისთვის შვება იყო, როცა გაიგო, რომ ქრცვინის მკურნალობა შედეგს იღებდა.

"მისი ძმა, მაიკი, ორი დღე ხმას არ იღებდა, როცა ბანდიტი დაბრუნდა მაიკიც გამოცოცხლდა და მასზე ზრუნვა გადაწყვიტა, ამიტომაც გვერდიდან აღარ შორდებოდა. ყველას სიფრთხილე გვმართებს, რადგან სარეცხი მანქანა თუ საშრობი ის ადგილებია, რომელთაც ჩვენი პატარა მეგობრები კომფორტულად მოსაწყობად ხშირად სტუმრობენ, განსაკუთრებით ზამთარში", — განაცხადა ჯეკ რედფერნმა.