"ეს ამერიკის დღეა, ეს დემოკრატიის დღეა, ისტორიისა და იმედის დღეა" — ასე დაიწყო აშშ-ის 46-ე პრეზიდენტმა, ჯო ბაიდენმა საპრეზიდენტო სიტყვა.

ბაიდენმა სიტყვით გამოსვლისას კაპიტოლიუმზე თავდასხმა გაიხსენა და აღნიშნა, რომ აშშ-მ გაიგო, რამდენად ძვირფასია დემოკრატია.

"და ახლა მეგობრებო, დემოკრატია აღზევდა",— განაცხადა მან.

მანვე აღნიშნა, რომ დღეს არა კანდიდატის, არამედ დემოკრატიის საქმის გამარჯვებას აღნიშნავენ, რადგან ხალხის ნება გაგებული და აღსრულებული იქნა.

პანდემიისა და უსაფრთხოების ზომების გამო ინაუგურაციას სტუმრების შეზღუდული რაოდენობა ესწრებოდა. კაპიტოლიუმის წინ შეკრებილი იყვნენ კონგრესმენები და სენატორები. ასევე, ყოფილი პრეზიდენტები. პანდემიისა გამო ღონისძიებაზე არ იმყოფება პრეზიდენტი ჯიმი კარტერი.

ბაიდენის წინამორბედი დონალდ ტრამპი ინაუგურაციაზე არ მივიდა. ამის ნაცვლად ის ფლორიდაში გაემგზავრა. მისგან განსხვავებით ფიცის დადება ვიცე-პრეზიდენტი მაიკ პენსი დაესწრო.

გაიგეთ მეტი: