კამალა ჰარისმა აშშ-ს ვიცე-პრეზიდენტის ფიცი დადო. ის პირველი ქალი, პირველი ფერადკანიანი და პირველი აზიურ-აფრიკული წარმომავლობის ქალა, რომელიც აღნიშნულ თანამდებობას დაიკავებს.

ფიცის დადების წინ ეროვნული ჰიმნი მომღერალმა, ლედი გაგამ შეასრულა.

აწ უკვე აშშ-ს ვიცე-პრეზიდენტს ინაუგურაციაზე იასამნისფერი სამოსი ეცვა, როგორც პატივისცემა შირლი ჩისჰოლმის მიმართ, რომელიც პირველი შავკანიანი ქალი იყო, რომელმაც საპრეზიდენტო არჩევნებში მიიღო მონაწილეობა.

პანდემიისა და უსაფრთხოების ზომების გამო ინაუგურაციას სტუმრების შეზღუდული რაოდენობა ესწრებოდა. კაპიტოლიუმის წინ შეკრებილი იყვნენ კონგრესმენები და სენატორები. ასევე, ყოფილი პრეზიდენტები. პანდემიისა გამო ღონისძიებაზე არ იმყოფება პრეზიდენტი ჯიმი კარტერი.

ბაიდენის წინამორბედი დონალდ ტრამპი ინაუგურაციაზე არ მივიდა. ამის ნაცვლად ის ფლორიდაში გაემგზავრა. მისგან განსხვავებით ფიცის დადება ვიცე-პრეზიდენტი მაიკ პენსი დაესწრო.

ამავე თემაზე: