ვაშინგტონში, კაპიტოლიუმის ეზოში, ამერიკის 46-ე პრეზიდენტის ჯო ბაიდენის ინაუგურაციაზე ლედი გაგამ ამერიკის ჰიმნი შეასრულა. მომღერალს მკერდზე მშვიდობის სიმბოლო, მტრედის ოქროსფერი გულსაბნევი ჰქონდა დამაგრებული და ოქროს მიკროფონი ეჭირა. მას აკომპანიმენტს უწევდა ამერიკის საზღვაო ფლოტის მუსიკალური გუნდი.

წინასაარჩევნო კამპანიის მიმდინარეობისას ლედი გაგა ჯო ბაიდენს მუდმივად უჭერდა მხარს. აღსანიშნავია, რომ მას სახელმწიფო ჰიმნი 2016 წელსაც აქვს შესრულებული Super Bowl-ის შოუზე. ლედი გაგას გარდა, ინაუგურაციაზე მუსიკალურ ნომრებს სხვა მუსიკოსებიც შეასრულებენ. მათ შორის ჯენიფერ ლოპესი, ჯასტინ ტიმბერლეიკი, დემი ლოვატო და ბონ ჯოვი. ინაუგურაციის საზეიმო ცერემონიას ტომ ჰენკსი გაუძღვება.