თბილისის მერის, კახა კალაძის განცხადებით, ჭავჭავაძის გამზირი არის საუკეთესო მაგალითი, თუ როგორ უნდა მოხდეს თბილისის ქუჩების დაპროექტება. კალაძემ ამის შესახებ თბილისის მუნიციპალიტეტის სხდომაზე ისაუბრა.

"ჭავჭავაძის გამზირი არის ერთ-ერთი საუკეთესო მაგალითი იმისა, თუ როგორ უნდა მოხდეს თბილისის ქუჩების დაპროექტება და განვითარება, თავისი მიწისქვეშა ურნებით. აბა, რა, ის მოსწონდა ხალხს, რომ ვირთხები, თაგვები, სუნი და ნუ, ვიზუალურ მხარეზე საერთოდ არ ვსაუბრობ. აბა ჰკითხეთ ვაკეში მცხოვრებ ადამიანებს, მოსწონთ თუ არა", — აცხადებს კალაძე.

კალაძემ ჭავჭავაძის გამზირზე მას შემდეგ ისაუბრა, რაც 18 იანვარს Facebook-ზე გავრცელ ფოტოებს, გამოეხმაურა, სადაც თბილისში, გოგებაშვილის ქუჩაზე, სკამებში ჩამონტაჟებული "ნაგვის ურნები" ჩანს. როგორც მერმა განმარტა, მოსასვენებელ სკამებში სინამდვილეში ქოთნებია ჩამონტაჟებული და ის არა თბილისის მერიას, არამედ კონკრეტულ რესტორანს ეკუთვნის.

მისივე თქმით, ოპონენტებსა და "სამარცხვინო ტელევიზიებს" ყველა კარგი გაკეთებული საქმის — ცუდად, მშენებლობის — ნგრევად წარმოჩენა სურთ.