Mymarket და თიბისი კრედიტი, თიბისი ბანკის სამომხმარებლო სესხების ციფრული პლატფორმა, მომხმარებლებს ახალ შესაძლებლობას სთავაზობენ, ამიერიდან Mymarket-ზე სასურველი ნივთების ონლაინ გაყიდვასთან ერთად შეგიძლია მოითხოვო სესხი მეორადი პროდუქტის შესაძენადაც. აღმოაჩინე სასურველი მეორადი ნივთები, მოითხოვე თანხა და შეიძინე თიბისი კრედიტის სამომხმარებლო სესხის მეშვეობით. სესხის მოთხოვნა შესაძლებელია განცხადების დეტალური გვერდიდან ღილაკზე "დაიმტკიცე სესხი" დაკლიკებით. სესხის ლიმიტი შეადგენს 100 - 3000 ლარს, ხოლო ვადა 3 - 48 თვემდეა. ქართული E-Commerce-სთვის ეს მნიშვნელოვანი წინგადადგმული ნაბიჯია, რამდენადაც რთულ დროში წაახალისებს ვაჭრობას, დააკავშირებს გამყიდველსა და მყიდველს, მაშინაც კი, თუ საჭირო ნივთის შესაძენად საკმარისი თანხა არ გაქვს.

Mymarket-ის მიმართულების ხელმძღვანელის ნიკა ჩილინდრიშვილის თქმით პლატფორმა დამატებითი სერვისებით ადამიანებს უმარტივებს ყიდვა-გაყიდვის პროცესს, - "ჩვენ ვცდილობთ განვავითაროთ, როგორც ონლაინ მაღაზიისთვის შექმნილი სერვისები, ასევე ფიზიკური პირებისთვის შევქმნათ დამატებითი შესაძლებლობა - მარტივად გაყიდონ ან იყიდონ მეორადი პროდუქცია. ჩვენი ერთ-ერთი მთავარია მიზნია ფიზიკური პირებისთვის შევქმნათ ეკოსისტემა, სადაც თითოეულ მათგანზე მორგებული სერვისებით მიიღებენ მათთვის სასურველ შედეგს".

განვადება აქამდე ხელმისაწვდომი იყო მხოლოდ Mymarket-ზე განთავსებული მაღაზიებიდან ყიდვის შემთხვევაში. ახლა უკვე მომხმარებელი თიბისი კრედიტის სამომხმარებლო სესხს მიიღებს დისტანციურად Mymarket-ზე ფიზიკური პირისგან შეძენის შემთხვევაშიც.

ყიდვა-გაყიდვის გამარტივების მიზნით, მაისში, Mymarket-ს დაემატა ახალი სერვისი, რითიც ფიზიკურ პირებს გაუჩნდათ შესაძლებლობა იყიდონ ან გაყიდონ სასურველი ახალი თუ მეორადი ნივთები დისტანციურად, ონლაინ გადახდითა და მიწოდების სერვისის დახმარებით.

Mymarket-ზე, ახლა უკვე შეგიძლია ისარგებლო სწრაფი და ყველაზე მარტივი სამომხმარებლო სესხით და დაიფინანსო სასურველი ნივთის შეძენა.