შინაგან საქმეთა სამინისტროს ცნობით, ბოლო 24 საათში შეზღუდვების ფარგლებში მოქმედი რეგულაციების დარღვევის 811 შემთხვევა გამოავლინეს.

უწყების განცხადებით, მათგან 113 ადამიანი იზოლაციისა და კარანტინის, ხოლო 698 პირი პირბადის ტარების წესის დარღვევისთვის დაჯარიმდა.

პირბადის ტარების წესის დარღვევა ადმინისტრაციულ ადმინისტრაციულ სამართალდარღვევათა კოდექსის შესაბამისად 20 ლარის ოდენობით ჯარიმას იწვევს. ხოლო იზოლაციისა და კარანტინის წესის დარღვევა ამავე კოდექსის 42(10)-ე მუხლის შესაბამისად ფიზიკური პირის 2 000 ლარით, ხოლო იურიდიული პირის 10 000 ლარით დაჯარიმებას იწვევეს. უწყების ცნობით, განმეორებითი ჯარიმა კი სისხლისსამართლებრივ პასუხისმგებლობას ითვალისწინებს.