თბილისის საქალაქო სასამართლომ არ დააკმაყოფილა შსს-ს წამომადგენელთა მოთხოვნა და დაადგინა, რომ ბინზესმენ გიორგი გუგუმბერიძეს არ დაურღვევია საქართველოს ადმინისტრაციულ სამართალდარღვევათა კოდექსი. სასამართლომ გუგუმბერიძის წინააღმდეგ საქმის სამართალწარმოება შეწყვიტა.

შპს გირო კრედიტის დამფუძნებელი და დირექტორი, გიორგი გუგუმბერიძე, საქართველოს შინაგან საქმეთა სამინისტროს წარმომადგენლებმა 2017 წლის 10 იანვარს საკუთარ სახლში დააკავეს. თავად გუგუმბერიძე კი პოლიციას ფიზიკურ და სიტყვიერ შეურაცხყოფაში ადანაშაულებს.

გუგუმბერიძე მოითხოვს გამოძიების დაწყებას საქართველოს სისხლის სამართლის კოდექსით გათვალისწინებული დანაშაულის დამამცირებელი ან არაადამიანური მოპყრობის (სსკ-ის 1443 მუხლი), განზრახ უკანონო დაკავებისა ან დაპატიმრების (სსკ-ის 147-ე მუხლი), ასევე პოლიციის თანამშრომელთა მხრიდან სამსახურებრივი უფლებამოსილების გადამეტების (სსკ-ის 333-ე მუხლი) სავარაუდო ჩადენის ფაქტზე.

გიორგი გუგუმბერიძეს იურიდიულ დახმარებას საქართველოს დემოკრატიული ინიციატივა უწევს.