თეთრი სახლის პრესსამსახურმა დონალდ ტრამპის მორიგი განცხადება გამოაქვეყნა, სადაც ის ძალადობას გმობს.

"მოვითხოვ, არ მოხდეს ძალადობა, კანონდარღვევა და რამე ტიპის ვანდალიზმი. ეს არ არის ის, რასაც მე ვუჭერ მხარს და არ არის ის, რასაც ამერიკა უჭერს მხარს. მოვუწოდებ ყველა ამერიკელს, ხელი შეუწყონ დაძაბულობის შემცირებას", — წერია პრეზიდენტის განცხადებაში.

ამ წუთებში აშშ-ს წარმომადგენელთა პალატა სწორედ, ტრამპის იმპიჩმენტის საკითხს განიხილავს. იმ შემთხვევაში თუ პალატა მას გადაწყვეტს, გადაწყვეტილება განსახილველად სენტას გადაეცემა. ტრამპი, შესაძლოა, პირველი პრეზიდენტი გახდეს, რომლსაც იმპიჩმენტი წარმომადგენელთა პალატამ ორჯერ გამოუცხადა.

ამავე დროს, ტრამპის იმპიჩმენტის საკითხის განხილვის პარალელურად კაპიტოლუმში ეროვნული გვარდიაა მობილიზებული.

როგორც კოლუმბიის ოლქის ეროვნული გვარდიის მაიორმა, რენე ლიმ მედია განუცხადა, სამხედროების მობილიზება უსაფრთხოებისთვის გახდა საჭირო.

"ეროვნული გვარდია აქ არის, რათა ხელისუფლების მშვიდობიანი გადაცემა და ჩვენი თანამემამულე ამერიკელების უსაფრთხოება უზრუნველყოს", — განაცხადა მან.

დონალდ ტრამპისთვის ძალაუფლების შენარჩუნება კითხვის ნიშნის ქვეშ მას შემდეგ დადგა, რაც მისი მხარდამჭერები კაპიტოლიუმში შეიჭრნენ და კონგრესის სხდომის ჩაშლა სცადეს, სადაც არჩევნების შედეგები ოფიციალურად უნდა დაემტკიცებინათ.

გაიგეთ მეტი: