ტრამპის იმპიჩმენტის საკითხის განხილვის პარალელურად კაპიტოლუმში ეროვნული გვარდიაა მობილიზებული. ამის შესახებ ინფორმაციას Fox News ავრცელებს.

როგორც კოლუმბიის ოლქის ეროვნული გვარდიის მაიორმა, რენე ლიმ მედიას განუცხადა, სამხედროების მობილიზება უსაფრთხოებისთვის გახდა საჭირო.

"ეროვნული გვარდია აქ არის, რათა ხელისუფლების მშვიდობიანი გადაცემა და ჩვენი თანამემამულე ამერიკელების უსაფრთხოება უზრუნველყოს", — განაცხადა მან.

ფოტო: AP Photo / J. Scott Applewhite

ფოტო: NowThis Politics

დღეს აშშ-ს წარმომადგენელთა პალატამ, სადაც უმრავლესობაში დემოკრატიული პარტიის კონგრესმენები არიან, დაამტკიცა რეზოლუცია, რომელშიც პრეზიდენტ დონალდ ტრამპის თანამდებობიდან ჩამოშორებაზეა საუბარი. ტრამპის იმპიჩმენტის საკითხს წარმომადგენლობითი პალატა ამ წუთებში განიხილავს.

შესაძლოა ტრამპი აშშ-ს ისტორიაში პირველი პრეზიდენტი გახდეს, რომელსაც იმპიჩმენტს ორჯერ გამოუცხადებენ. დონალდ ტრამპისთვის ძალაუფლების შენარჩუნება კითხვის ნიშნის ქვეშ მას შემდეგ დადგა, რაც მისი მხარდამჭერები კაპიტოლიუმში შეიჭრნენ და კონგრესის სხდომის ჩაშლა სცადეს, სადაც არჩევნების შედეგები ოფიციალურად უნდა დაემტკიცებინათ.

გაიგეთ მეტი: