დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

ჯანდაცვის მინისტრის, ეკატერინე ტიკარაძის განცხადებით, ქვეყნის მასშტაბით საწოლფონდების რაოდენობა 500-ით არის შემცირებული. მანვე აღნიშნა, რომ საწოლფონდის შემცირება გეგმის მიხედვით მიმდინარეობს.

"ჯამურად 500 საწოლი საქართველოში უკვე შევამცირეთ და აჭარაშიც ასევე უკვე შევამცირეთ საწოლფონდი, ვინაიდან ამის საჭიროება არ გახლდათ და ეს მოხდა 1-ლი იანვრიდან. ჩვენ მივყვებით იმ გავრცელების კოეფიციენტს, რომელიც ქვეყნის მასშტაბით გვაქვს და სწორედ იმ ფერებს, რომლებსაც თქვენ ასახელებთ: მწვანე, ყვითელი და წითელი, და ამის მიხედვით გეგმაზომიერად ვამცირებთ საწოლფონდს საჭიროების შესაბამისად", — აცხადებს ტიკარაძე.

13 იანვრის მონაცემებით, საქართველოში კორონავირუსის ახალი 1 618 შემთხვევა დადასტურდა, გამოჯანმრთელდა 403 ადამიანი, ხოლო გარდაიცვალა — 26.

ქვეყანაში კოვიდ-19-ის პანდემიის გავრცელებიდან დღემდე გამოვლენილი დადასტურებული შემთხვევების საერთო რაოდენობა შეადგენს 243 255-ს. გამოჯანმრთელებულთა რაოდენობა გაიზარდა 227 611-მდე, ხოლო გავრცელებიდან დღემდე ვირუსს ჯამში 2 846 პირი ემსხვერპლა.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: