შინაგან საქმეთა სამინისტრომ, პირობითი მსჯავრის ქვეშ მყოფი ორი პირი, გამოძალვისა და სქესობრივი კავშირის იძულების ბრალდებით დააკავა.

გამოძიების ვერსიით, ბრალდებულები პირადი ცხოვრების ამსახველი ვიდეომასალის, ასევე, სახელის გამტეხი ცნობების გავრცელების მუქარითა და შანტაჟით მოქალაქეს ფულს სძალავდნენ და სქესობრივი კავშირის დამყარებას აიძულებდნენ.

გამოძიება საქართველოს სსკ-ს 181-ე მუხლის მე-2 ნაწილის ბ და გ ქვეპუნქტებით, 139-ე მუხლის 1-ლი ნაწილით და 363-ე მუხლის მე-2 ნაწილით გამოძალვის, სქესობრივი კავშირის იძულების და პირადობის დამადასტურებელი დოკუმენტის გატაცების ფაქტზე მიმდინარეობს.