თბილისის მერის მოადგილის ირაკლი ლექვინაძის განცხადებით, სავაჭრო ცენტრ ბავშვთა სამყაროში გაჩენილი ხანძრისაგან დაზარალებულებისთვის, კომპენსაციის გაცემის საკითხი მერიის მხრიდან არ განიხილება:

"ეს ადამიანები არიან მეწარმეები, დღეს თბილისში 500 ათასზე მეტი მეწარმეა რეგისტრირებული და თითოეული მათგანის ქონების დაცვის საკითხს, რაც რეალურად არის სადაზღვევო სისტემის ნაწილი და ამ სისტემით უნდა ხდებოდეს მათი ანაზღაურება, მერია კომპენსაციით ვერ მოაგვარებს".

ბავშვთა სამყაროს მეწარმეებმა მერის მოადგილეს, თავის მხრივ, ე.წ. იაფი სესხის საკითხთან დაკავშირებით ბანკებთან მოლაპარაკებაში დახმარება სთხოვეს.

სავაჭრო ცენტრ ბავშვთა სამყაროში ხანძარი 30 იანვარს, გამთენიისას გაჩნდა.