იუსტიციის მინისტრის, გოჩა ლორთქიფანიძის განცხადებით, პენიტენციურ დაწესებულებებში, ამ ეტაპზე, ამნისტიის შესახებ კანონპროექტთან დაკავშირებით 11 პატიმარი შიმშილობს.

"შიმშილობა პროტესტის გამოხატვის ფორმაა, რაც ევროპული კონვენციის სტანდარტებში ჯდება. ამ მომენტისათვის ამნისტიასთან დაკავშირებით ჩვენ გვყავს 11 მოშიმშილე", — განაცხადა ლორთქიფანიძემ.

დღეს, პარლამენტის რიგგარეშე პლენარულ სხდომაზე, ამნსიტიის შესახებ კანონპროექტის მესამე მოსმენაა დაგეგმილი. კანონპროექტის ინციატორი ადამიანის უფლებათა დაცვის კომიტეტის თავმჯდომარე, მიხეილ სარჯველაძეა. აღნიშნული კანონპროექტი არ ითვალისწინებს გარკვეულ მუხლებსა და გარკვეული მუხლის ზოგიერთ ნაწილს. ამინისტია შეეხება სულ 44 მუხლით გათვალისწინებულ დანაშაულს. ამ დროისთვის კანონპროექტი არ მოიცავს ისეთ მძიმე მუხლებს, როგორიცაა მკვლელობა, ოჯახში ძალადობა და ასე შემდეგ.