არაბთა გაერთიანებულ საამიროებში მცხოვრებ ქალს სასამართლომ ჯარიმის სახით 150 ათასი დირჰამის (დაახლოებით $41 000) გადახდა და ქვეყნიდან გაძევება მიუსაჯა.

გალფ ნიუსის ინფორმაციით, სასამართლოში ქმარმა ცოლს პირადი ცხოვრების დარღვევის გამო უჩივლა, მას შემდეგ, რაც ქალმა მისი მობილური ჩუმად შეამოწმა.

სასამართლოზე არაბმა ქალმა აღიარა, რომ ქმრის მობილური ნებართვის გარეშე აიღო და საკუთარ მობილურში სურათები გადაგზავნა, მას ეჭვი ჰქონდა, რომ ქმარი ღალატობდა.

ცოლ-ქმარი 40 წლამდე ასაკის, ეროვნებით არაბები არიან.