საქართველოს პარლამენტმა პატრიოტთა ალიანსს მანდატების შეწყვეტის შესახებ განაცხადი დაუკმაყოფილა. უფლებამოსილების ვადამდე შეწყვეტის შესახებ დღეს საპროცედურო საკითხთა და წესების კომიტეტის სხდომაზე იმსჯელეს, ხოლო საკითხი პარლამენტის რიგგარეშე სესიის პლენარული სხდომაზე დაამტკიცეს.

მანდატები გაუუქმდა პარტიის სამ წევრს — ირმა ინაშვილს, გიორგი ლომიას და გოჩა თევდორაძეს. ინაშვილისთვის მანდატის გაუქმებას მხარი 80-მა დეპუტატმა დაუჭირა, ლომიას — 79-მა, ხოლო თევდორაძეს — 78-მა.

პატრიოტთა ალიანსმა 4 საპარალმენტო მანდატი მოიპვა, მათაგნ სამმა წევრმა მანდატების გაუქმების შესახებ პარლამენტს 21 დეკემბერს მიმართა. რაც შეეხება პატრიოტთა ალიანსის სიის მე-4 ნომერს, ავთანდილ ენუქიძეს იგი საპარლამენტო მანდატზე უარს არ ამბობს. ამასთან, პატრიოტთა ალიანსის პარტიული სიის რიგით მე-8 ნომერმა, დავით ზილფიმიანმა განაცხადა, რომ იგი შესაძლოა პარლამენტში შევიდეს.

თუ გინდა გაიგო, როგორ მუშაობს ან ვერ მუშაობს მე-10 მოწვევის პარლამენტი, რა ინიციატივები აქვთ დეპუტატებს და ზოგადად, როგორ მიიღება გადაწყვეტილებები, რომლებიც ჩვენს ყოველდღიურობას განსაზღვრავს, შემოგვიერთდი ჯგუფში — რა ხდება პარლამენტში.