ნაციონალური მოძრაობის ერთ-ერთი ლიდერის, ხატია დეკანოიძის განცხადებით, რუსეთთან დაკავშირებით გატარებულმა პოლიტიკამ შედეგი ვერ მოიტანა.

"პოლიტიკამ, რომელიც იყო დაფუძნებული კეკლუცობის პოლიტიკაზე, რუსეთთან ვერავითარი შედეგი ვერ მოიტანა. ჩვენი მოქალაქეები არიან იქ უმძიმეს ჰუმანიტარულ კრიზისში, იტაცებენ ადამიანებს. ახლა ერთი საფეხურით წინ წაიწია სწორედ პუტინის მხრიდან ამ ჩარჩოს ძალიან მყარად დაკანონებამ, ამიტომ მე ვფიქრობ, რომ რუსეთი გააგრძელებს აგრესიულ პოლიტიკას", — განაცხადა დეკანოიძემ.

რუსეთის პრეზიდენტმა, ვლადიმირ პუტინმა მიხაილ პეტრაკოვი დსთ-ს ქვეყნებთან სახელმწიფო საზღვრის დელიმიტაციისა და დემარკაციის საკითხებში სპეციალურ წარმომადგენლად დანიშნა. Tass-ის ცნობით, პეტრაკოვი, ასევე, კასპიის ზღვის მრავალმხრივ მოლაპარაკებებზე რუსეთის დელეგაციის ხელმძღვანელი იქნება.