ბორჯომში კაცი მოკლეს. როგორც შინაგან საქმეთა სამინისტროში ამბობენ, ინციდენტი გამთენიისას მოხდა.

მთავარი არხის ინფორმაციით, გარდაცვლილს ჭრილობები დედამ ცივი იარაღით მიაყენა. თუმცა შსს-ში მკვლელობასთან დაკავშირებით ამ ინფორმაციას ჯერჯერობით არ ადასტურებენ.

გამოძიება სისხლის სამართლის კოდექსის 109-ე მუხლით მიმდინარეობს, რაც დამამძიმებელ გარემოებებში განზრახ მკვლელობას გულისხმობს.