სავაჭრო ცენტრ ბავშვთა სამყაროსთან თბილისის საკრებულოს თავმჯდომარე გიორგი ალიბეგაშვილი მივიდა. მისი განცხადებით, შენობა იმდენად არის დაზიანებული, რომ შესაძლოა მისი დანგრევა გახდეს საჭირო. ალიბეგაშვილი დაზარალებულებს მუნიციპალიტეტის მხრიდან თანადგომას ჰპირდება:

"ძალიან სამწუხარო ფაქტი მოხდა და სამწუხაროდ გვიან მოხდა ამ ამბის შეტყობინება, რადგან უცაბედად გაირკვა რომ მთლიანად იყო მოდებული. მეხანძრეები ყველა ღონეს ხმარობენ, რათა ცეცხლის ლიკვიდაცია ბოლომდე შეძლონ. შიგნით შესვლა ვერ ხერხდება, რადგან "სინკარებები" დეფორმირებულია და ნებისმიერ დროს შეიძლება ჩამოინგრეს და ტრაგედია დატრიალდეს, ამიტომ ამას როგორც ჩანს სხვანაირი დამუშავება დასჭირდება, როგორც ჩანს დანგრევა უნდა. ისინი ჩვენი მხრიდან, მუნიციპალიტეტისა და სახელმწიფოს მხრიდან თანადგომას იგრძნობენ".

დღეს დილით, ბავშვთა სამყაროსთან მივიდა თბილისის მერიც. მისი თქმით, ხანძარზე პასუხისმგებლობა ბაზრის ადმინისტრაციას ეკისრება.

გვიან ღამით, სავაჭრო ცენტრში გაჩენილ ხანძარს მეხანძრეები რამდენიმე საათია აქრობენ. მთლიანად დამწვარია შენობა და მის უკან მდებარე ტანსაცმლის ბაზრობა, ასევე, საბითუმო სავაჭრო ცენტრი.