კორონავირუსის ახალი შტამი კანადასა და იაპონიაშიც დაფიქსირდა. აღნიშნულის შესახებ ინფორმაციას BBC ავრცელებს.

მათივე ცნობით, დიდი ბრიტანეთიდან ჩასულ ადამიანებს საფრანგეთში, შვეიცარიაში, შვედეთსა და ესპანეთშიც დაუფიქსირდათ კორონავირუსის ახალი შტამი.

14 დეკემბერს ინგლისში კორონავირუსის ახალი ვარიანტი დააფიქსირეს. ჯანდაცვის სფეროს წარმომადგენლები აცხადებენ, რომ კორონავირუსის ახალი შტამი 70%-ით უფრო გადამდებია, მაგრამ არაა დამტკიცებული არის თუ არა უფრო მომაკვდინებელი. რამდენიმე ქვეყანამ კორონავირუსის მუტაციური ვარიანტის გამო ბრიტანეთთან საჰაერო მიმოსვლა შეაჩერა, მათ შორის იყო საფრანგეთიც.

21 დეკემბერს კი, საქართველოში ბრიტანეთიდან შემოსული, ან ბოლო 2 კვირაში ბრიტანეთში ნამყოფი პირებისთვის სავალდებულო კარანტინი დაწესდა.